عايزاك تطلعني حلوه
مش عايز اطلع تخينه
،،،،،،،،،
ديه بدايه اي صورة ع اساس ان المصور اللي بيعمل العجايب هيظبط الكاميرا ع وضع النحافه او وضع الجمال ويقرأ التعويذه السحريه ويدوس ع الزرار وهوباااااا
الوحشه تبقي حلوه
التخينه تبقي رفيعه
المكان المبهدل بقي مترتب
السلوكيات المرفوضه بتختفي
المشاكل بتتحل
مش المهم الواقع ايه
المهم الصوره تطلع حلوه
ًًًًًًًًً،،،،،،،،،،،،،،،
الاوردر الاول
،،،،،،،،،،،،،،،
المكان وسط البلد
الزمان عز الضهر
الجو حر جدا وعربيات عطلانه وناس مش طايقه نفسها م الزحمه والعرق
لو سمحت ممكن تسجل معانا (ديه اللمذيعه الحلوه اللى حطه اتنين كيلو مكياج ولابسه هدوم غير الناس تحس انها مش تبع الصوره بتاعه الشارع)
اه اتحت امرك ( ده بقى الراجل اللي واقف م الصبح وعمال يتابع الناس وهما بيظبطو الكاميرات والصوت وعامل م بنها واول ما لقي المذيعه مسكت المايك وقف قدامها وتنح)
نتعرف بحضرتك ( طبعا المذيعه بتسالو واضحه يعنى )
انا اسمى مهند ( ده النجم اللى بنصور معاه اللى بيتكلم )
مهند !! المذيعه بتتسائل
ايوه يا مدام حضرتك اصحابى بيقولولى مهند
يا عم ده انت معفن ومبهدل ووشك متشرح وعامل وشم رقاصه بلدى ومش كامل كمان ع دراعك ( ديه المذيعه بتتتسائل بس ف سرها وتقوم برسم الابتسامه التلفزيونيه المعهوده ع الرغم انها كشريه ومتخانقه مع جوزها ونازله الاوردر ده غصب عنها وقرفانه جدا م ريحه الراجل اللي بتصور معاه )
حضرتك بتشتغل ايه
رجل اعمال وتاجر
( يا راجل بطل فتى بقى برضه ف سرها ) وتبتسم وتسال حضرتك احنا بنسال ع المشاكل اللى بنعيشها وبتؤثر سلبا ع المواطنين
فتح بقه ع الاخر وهرش ف دماغه وحسس ع الجرح اللى ف وشه وحط لسانه ع السنه اللى وقعت ف الخناقه الاخيره تمام حضرتك هو بس فيه مشكله الباعه الجائلين
يا فندم بس ديه اتحلت م زمان
وهنا يتدخل المخرج اللى كان بيشرب كانز وواقف ف الظل ويقوم بدوره العظيم ف الاخراج ويقترب م كتف المصور ويهمس
بقول يا فنان
بلاش تطلع البياعين اللى ورا المذيعه والضيف
ثواني ( يرد المصور )
هشغل وضع الشيل او الشلل ف الكاميرا وده بيشيل البياعين اللي ف الخلفيه
ومش بس كده
ده كمان بيشيل الناس اللى متجمعين حولين المذيعه والضيف والواد بتاع المناديل اللى عمال يلعب ف مناخيره والاستاذ اللى متنح للمذيعه والراجل اللي سايق ووقف الشارع ف وسط الاشاره وبيتفرج ع اللي بيحصل
وهنا تلفت المذيعه للمصور
بقولك هو انا طالعة بضهرى ؟؟؟
يرد المصور بكل ثقه لا
وطبعا بيتريق
حضرتك واقفه بتكلمى الضيف اللي ف وش الكاميرا يبقى اكيد طالعه بضهرك
لا انا مش عايزه اطلع بضهرى
خلاص اقفي جمب الضيف وبصو انتو الاتنين للكاميرا ( وده مستحيل طبعا )
كده كويس
المذيعه بتسال بعد ما وقفت جمب الضيف
زي الفل يا استاذه
طيب نكمل
اوك
وهنا يقوم المخرج م مكانه ف الضل ويتحرك ثلاث خطوات مستهلكا سعرات قيمه م كرشه الممتد امامه ويدلى بدلوه
احنا مش عايزنهم بروفيل
ثانيه واحده
اشغل وضع الفاس ف الكاميرا وده بيخلي المذيعه اللي بتبص للضيف تبقي فاص والضيف اللي بيبص للمذيعه فاص برضه في حين ذاك الوقت اشى خيال يا ناس
هي ديه قناه ايه ؟؟
يسال احد الواقفين المخرج
ديه قناه ال ...... يرد المخرج
انتو بتصورو ايه
يسال اخر
بنصور الناس اللى ف الشارع
ليه
انتو بتبوظو صوره مصر
يا عم عي بايظه لوحدها
انتو تبع ايه. احلق ياجدع
وهنا يقوم المخرج بدوره العظيم ويتراجع ويقول
يلا يا جماعه كفايه كده نكمل ف حته تاني
ويجرى الجميع نحو السياره المتوقفه في الشارع الواقف م خلال الناس الواقفين
....
Hello, my name is Jack Sparrow. I'm a 50 year old self-employed Pirate from the Caribbean. 
0 comments: