قبل اليوم ده لما كنا بنقرا او بنسمع اخبار ان حصل تفجيرات في مكان طبعا بنزعل وندعي يارب اصلح احوالنا
لكن الصراحة بقي انك تعيش الحدث غير خالص انك تسمع عنه من اى حد
كنا في الشغل جمب كوبرى ١٥ مايو
وكنا قاعدين عااادي في هدوء كل واحد مع نفسه
ومرة واحدة صوت عالي جدااا انفجار
طبعا انا عرفت انه انفجار بس سبحان الله خدت الموضوع بهدوء لم اتحرك من علي الكرسي
وتوقعت انه هيبقي بعيد عننا مش قريب قوى كده
وكمان قلت ده هيبقي زي كل مرة بنسمع عنها حاجة بس بتتفجر وخلاص
لكن بصراحة اول ما عرفت ان فيه واحد مات اتضايقت جدااااا وكمان يا يا عينى يارب يرحمه ويصبر اهله
ده اتفرفت يعنى رجله في ناحية وراسه اترمت علي عربيه واجزاء تانيه في النيل ما عرفوش يلمو جسمه
لا حول ولا قوة الا بالله العلي العظيم
المبنى اللي كنا فيه اترج وناس ودنها وجعتها جدا من ساعتها
حست ان قلبها اتحرك من مكانه ده غير طبعا انها اتنطرت عشان الكوبرى اترج جامد
طب ليه ترعبونا كده ليه يحوت وهو بيؤدي عمله
راجل طيب جدا بشهادة الناس اللي عارفينه منهم بتاعه المناديل
بيقولو ده لسه كان مصبح علينا وشارب الشاي
وعم سمير بتاع الفول لسة كان فاطر من عنده
وزعل عليه جدا عم سمير
كلهم بيشهدو انه كان راجل طيب جدا
وعنده عيلين. وقاعد بيؤدي وظيفته
وطلع انه فيه واحد كان بيساله عن طريق الماريوت فهو اول ما قام يعشان يوصف له. اتفرفت مية حتة
وطبعا اللس كانو بيسالوه
اتصابو جامد وعربيتهم باظت
المكان اللي اتفجرت فيه القنبله مكان حيوى جدا ودايما مليان بالناس. يعتبر زي موقف كل الناس بتركب وبتنزل في المكان ده
كنا لسة في المكان ده من ساعتين بس وروحناله تاني واحنا مروحين. يعنى كان ممكن اى حد فينا في ثانيه يتفجر مرة واحدة كده
واللهالواحد مش عارف يقول ايه
بس يارب اهدي اللي بيعملو كده يارب اديهم ويبطلو تفجيرات ويبطلو يموتونا ويرعبونا. يارب توقف الحاجات دي
ياااارب اغفر لنا وارحمنا وانت خير الراحمين
Hello, my name is Jack Sparrow. I'm a 50 year old self-employed Pirate from the Caribbean. 
0 comments: